ଅପାରଗ ସରକାରୀ କର୍ମଚାରୀ ଙ୍କୁ ଦିଆଯିବ ବାଧ୍ୟତାମୂଳକ ଅବସର
, ବ୍ୟବସ୍ଥା କୁ ବାଟ ରେ ନେବାକୁ ବହୁତ୍ ଆଇନ୍ ଅଛି । ଏହି ଆଇନ ସବୁ କୁ ବି ବାବୁ ମାନେ ନିଜ ମର୍ଜି ରେ ପ୍ରୟୋଗ କରନ୍ତି ଆଉ ଏହାକୁ ଫାଙ୍କିବାକୁ ଗଳାବାଟ ବି ଥାଏ ।ଅନେକ ଆଇନ ତେଣୁ କେବଳ ଆଇନ ବହି ରେ ବାନ୍ଧି ହୋଇ ଫାଇଲ ତଳେ ରହିଥିଲା ବେଳେ ସରକାର ଙ୍କ ଏହି ନୂଆ ପ୍ରୟୋଗ ରେ ଦେଖାଯାଉ କେତେ ଅଛି ଆନ୍ତରିକତା । ନ ହେଲେ କିଛି ଦିନ ପରେ ଭାରି ଭଲ ଲାଗୁଥିବା ନିୟମ ଗୁଡିକ ଚାଲିଯିବ ଶୀତଳ ଭଣ୍ଡାର କୁ ।
ମୁଖ୍ୟ ସଚିବ ମାଗିଲେ ରିପୋର୍ଟ
ସକ୍ରିୟ ସ୍ଵଚ୍ଛ ଉତ୍ତରଦାୟୀ ପ୍ରାସାସନିକ ବ୍ୟବସ୍ଥା ପାଇଁ ଆରମ୍ଭ ହେଲା ଉଦ୍ୟମ ।ସଫଳ ହେଲେ ସୁଧୁରିବ ବ୍ୟବସ୍ଥା । କମିବ ଦୁର୍ନୀତି
ରାଜ୍ୟ ରେ ବ୍ୟାପିଥିବା ଦୁର୍ନୀତି ଓ ଅସଂଖ୍ୟ ବାବୁ ମାନଙ୍କ ପାଖରେ ଉଭା କେତେ ପୋତା କେତେ ତାହା ଆକଳନ କରିବାକୁ ଆଖି ପାଉ ନାହିଁ । ବେଳେ ବେଳ କୁ ବେଳ ଏକକୁ ଆରେକ କଳା ଧନ ର କଳଙ୍କିତ କୁବେର ମାନଙ୍କୁ ରାଜ୍ୟ ଦୁର୍ନୀତି ନିବାରଣ ବିଭାଗ ଗିରଫ କରିଥିଲା ବେଳେ ଆହୁରି କେତେ ଯେ ଅଛନ୍ତି ତାହା କଳନା କରିବା ଅସମ୍ଭବ ହୋଇ ପଡ଼ୁଛି । ଏତିକି ବେଳେ ଅପାରଗ ସରକାରୀ ବାବୁ ମାନଙ୍କୁ ବାଟ କୁ ଆଣିବାକୁ ଆରମ୍ଭ ହେଉଥିବା ସରକାରୀ ପ୍ରୟାସ ଯଦି ଠିକ୍ ବାଟ ରେ ଯାଏ ତେବେ ଏହା ଦୁର୍ନୀତି କୁ ବି କିଛି ଭାବ ରେ ରୋକି ପାରିବ ତେବେ ଆରମ୍ବରୁ ଉପରିସ୍ଥ ଅଧିକାରୀ ମାନେ ଅଧିନସ୍ଥ ତଳ କର୍ମଚାରୀ ଙ୍କ ଦୁର୍ନୀତି ଉପରେ ନଜର ରଖିଲେ ଓ ତଥ୍ୟ ଦେବାକୁ ବାଧ୍ୟତାମୂଳକ କରାଗଲେ ବର୍ଷ ଧରି ଏହି ଭ୍ରଷ୍ଟ ମାନେ ରାଜ୍ୟ କୁ ଓ ସାଧାରଣ ନାଗରିକ କୁ ଏମିତି ନଗ୍ନ ଭାବେ ଲୁଟ କରି ପାରନ୍ତେ ନାହିଁ ।
ଆଗକୁ ପ୍ରତି ସରକାରୀ କର୍ମଚାରୀ ଓ ଅଧିକାରୀ ଙ୍କ କାର୍ଯ୍ୟ ସମୀକ୍ଷା କରାଯିବା ସହ ଉତ୍ତମ ପ୍ରଦର୍ଶନ ନ କରିଥିଲେ ଚାକିରୀ ରୁ ବିଦା କରି ଦିଆଯିବ । ସାଧାରଣ ପ୍ରଶାସନ ବିଭାଗ ରୁ ପୂର୍ବରୁ ଜାରି କରାଯାଇଥିବା ସର୍କୁଲାର ଉପରେ ଆଗ କୁ କାର୍ଯ୍ୟାନୁଷ୍ଠାନ ନିଆଯିବ ଓ ଉତ୍ତମ ପ୍ରଦର୍ଶନ ରେ ବିଫଳ ହୋଇଥିଲେ ବାଧ୍ୟତାମୂଳକ ଅବସର ଦିଆଯିବ ବୋଲି ନିକଟ ରେ ସଚିବ ସ୍ତରୀୟ ବୈଠକ ରେ ନିଷ୍ପତି ନିଆଯାଇଛି ।
ତେବେ କେଉଁ ବିଭାଗ ରେ କେତେ ଅପାରଗ କର୍ମଚାରୀ ଅଛନ୍ତି ଓ ସେମାନଙ୍କ ମଧ୍ୟରୁ କେତେ ଜଣ ଙ୍କୁ ବାଧ୍ୟତାମୂଳକ ଅବସର ଦିଆଯାଉଛି ତାର ସବିଶେଷ ତଥ୍ୟ ମଗାଯାଇଛି।
କେଉଁ ଅଧିକାରୀ ରାଜ୍ୟ ର ଯେଉଁ ସ୍ଥାନ କୁ ଯାଇ। ସରକାର ଙ୍କ ଯୋଜନା ର କାର୍ଯ୍ୟକାରୀତା ଉପରେ ଅନୁସଂଧାନ କରୁଛନ୍ତି ସେ ସମ୍ବନ୍ଧୀୟ ତଥ୍ୟ ମଧ୍ୟ ମଗାଯାଇଛି ।
ସରକାରୀ କର୍ମଚାରୀ ଙ୍କ ଠିକ୍ ସମୟ ରେ କାର୍ଯ୍ୟାଳୟ କୁ ଆସିବା ନେଇ ବାୟୋ ମାଟ୍ରିକ ବ୍ୟବସ୍ଥା ପାଇଁ ନିର୍ଦ୍ଦେଶ ଥିଲା ବେଳେ ବିଭିନ୍ନ ସରକାରୀ ଦପ୍ତର ରେ ତାହା ହୋଇଛି କି ନାହିଁ ସେ ସଙ୍କ୍ରାନ୍ତୀୟ ତଥ୍ୟ ମଧ୍ୟ ମଗାଯାଇଛି ।
ଅନେକ କାର୍ଯ୍ୟାଳୟ ରେ ସହ ସହ ଫାଇଲ ଅଯଥା ରେ ପଡ଼ି ରହୁଥିବାରୁ ସେ ଗୁଡିକ ତୁରନ୍ତ ଫୈଶଲା କରିବା ଓ ଜନ ସେବା ଆଇନ୍ ଅନୁସାରେ ସେବା ଦେବା ପ୍ରକ୍ରିୟା କୁ ଗତି ଶୀଳ କରିବା କୁ ନିଆଯାଉଥିବା ପଦକ୍ଷେପ ର ରିପୋର୍ଟ ମଧ୍ୟ ମୁଖ୍ୟ ସଚିବ ମାଗିବା ସହ ସରକାରୀ ବ୍ୟବସ୍ଥା କୁ ଲୋକାଭିମୁଖୀ ଓ ସ୍ଵଚ୍ଛ କରିବା ଲାଗି ପଦକ୍ଷେପ ନେଇଛନ୍ତି । ତେବେ ଦୁର୍ନୀତି ପ୍ରତି ଶୁନ୍ୟ ସମ୍ବେଦନଶୀଳତା ଓ ସ୍ଵଚ୍ଛ ପ୍ରଶାସନ ପାଇଁ ନୂଆ ସରକାର ଯେଉଁ ପ୍ରତିଶ୍ରୁତି ଦେଇଥିଲେ ତାହାକୁ ବାସ୍ତବ ରେ ରୂପାନ୍ତରିତ କରିବାକୁ ନିଆଯାଉଥିବା ସରକାରୀ ପଦକ୍ଷେପ ଆଗାମୀ ଦିନରେ କେତେ ଭାବରେ ସାକାର ହୋଇ ପାରିବ ତାହା ଦେଖିବାକୁ ବାକି ରହିଲା ।
