ତାଡି ସରୁ ମିଶନ ପକ୍ଷରୁ ଶ୍ରୀ ଭାଗବତ ଅଭିଯାନ

ପ୍ରତି ଟି ଓଡ଼ିଆ ର ଧମନୀ ରେ ଯେମିତି ମିଶିଯାଉଛି ଶ୍ରୀ ଜଗନ୍ନାଥ ଦାସ ଙ୍କ ରଚିତ ଓଡ଼ିଆ ଭାଗବତ। ତାର କାନ୍ତ କୋମଳ ସରଳ ପଦାବଳୀ ଭିତରେ ଲୁଚି ରହିଛି ସକାରାତ୍ମକ ଭାବେ ଏକ ସୁନ୍ଦର ଜୀବନ ଜିଇଁବାର୍ ସବୁ ସମାଧାନ । କୋଉ ଅନାଦି କାଳ ରୁ ଭାଗବତ ଟୁଙ୍ଗି ଥିଲା ଓଡ଼ିଆ ର ସାମାଜିକ ସାଂସ୍କୃତିକ ନ୍ୟାୟିକ ଆଉ ଆଧ୍ୟାତ୍ମିକ ବ୍ୟବସ୍ଥା ର ପ୍ରାଣ କେନ୍ଦ୍ର । ଏଥିଲାଗି ବୋଧେ ଓଡ଼ିଆ ଟି ର ଶେଷ ଶଯ୍ୟା ରେ ଅନ୍ତିମ ମୁହୂର୍ତ୍ତ ରେ ଭାଗବତ ରୁ ଦି ପଦ ସୁଣେଇ ଗଙ୍ଗା ପାଣି ଦେଇ ଦେଲେ ମୁକ୍ତି ପାଇବାର ବିଶ୍ୱାସ ଆଜି ବି ପିଢ଼ି ପିଢ଼ି କୁ ଦୃଢ଼ ହେବାରେ ଲାଗିଛି ।ଆଜି ବି ପୁଣ୍ୟ ମାସ କାର୍ତ୍ତିକ ରେ ଭାଗବତ ପୋଥି ଙ୍କୁ ବିମାନ ରେ ବସେଇ ଏ ଜାତି ବିମାନ କୁ କାନ୍ଧେଇ ମେଳଣ ନେବା ଭିତରେ ଏ ଜାତି ର ଏହି ମହାନ ଗ୍ରନ୍ଥ ପ୍ରତି ଥିବା ଅନନ୍ତ ଶ୍ରଦ୍ଧା ଆଉ ବିଶ୍ବାସ ସ୍ପଷ୍ଟ ବାରୀ ହେଇ ପଡେ ତେବେ ସେଇ ମହାନ ଗ୍ରନ୍ଥ କୁ ନେଇ ଏବେ ମହାନ ସାଧିକା ପଦ୍ମଶ୍ରୀ ପୂର୍ଣ୍ଣମାସୀ ଜାନି ଙ୍କ ନିର୍ଦ୍ଦେଶ ରେ ଆରମ୍ଭ ହୋଇଛି ଏକ ନିଆରା ଅଭିଯାନ ।¹

ତାଡିସରୁ ବାଇ ଭାବେ ପ୍ରସିଦ୍ଧ ଆଧ୍ୟାତ୍ମିକ ସନ୍ଥ ତଥା ପଦ୍ମଶ୍ରୀ ପୂର୍ଣମସି ଜାନି ଙ୍କ ନିର୍ଦ୍ଦେଶ ରେ ଏବେ ସାରା ରାଜ୍ୟ ରେ ଶ୍ରୀ ଭାଗବତ ପରାୟଣ ଆରମ୍ଭ ହୋଇଛି ।ତେବେ ଜଗତସିଂହ ପୁର ଜିଲ୍ଲା ର ରଘୁନାଥପୁର ,,,ବ୍ଲକ୍ ର ତରିକୁନ୍ଦ ଗାଁ ରେ ଗ୍ରାମ ଦେବତୀ ମା ବାଟ ମଙ୍ଗଳା ପୀଠ ଓ ରଣହତା ଗ୍ରାମ ର

ପ୍ରହଲ୍ଲାଦ ଦାସ ପୀଠ ପରିସର ରେ ଶ୍ରୀ ଭାଗବତ ପରାୟଣ ଗଭୀର ଶ୍ରଦ୍ଧା ଭକ୍ତି ଓ ଉତ୍ସାହ ର ସହ ପାଳନ କରାଯାଉଛି

।ପ୍ରତି ଓଡ଼ିଆ ର ପ୍ରାଣ ସ୍ପନ୍ଦନ ରେ ଜନ୍ମ ରୁ ମୃତ୍ୟୁ ପର୍ଯ୍ୟନ୍ତ ଭାବ ଜ୍ଞାନ ବ୍ରହ୍ମ ଆଉ ତତ୍ତ୍ଵ ରେ ପ୍ରଭାବିତ କରି ଆସୁଥିବା ଭାଗବତ ଆମ ସାହିତ୍ୟ ଆଉ ସଂସ୍କୃତି ର ବିପୁଳ ଆଧାର ହୋଇଥିବାରୁ ଏହାର ପ୍ରଚାର ଆଉ ପ୍ରସାର ପାଇଁ ଏହି ନିଆରା ପରାୟଣ କାର୍ଯ୍ୟକ୍ରମ କୁ ତା ଡି ସରୁ ମିଶନ ଏଠାରେ ପ୍ରାୟୋଜିତ କରିଛି ।ଏହି କାର୍ଯ୍ୟକ୍ରମ ରେ ଓଡ଼ିଶାର ଭାଷା ସଂସ୍କୃତି ର ସୁରକ୍ଷା ସହ ଶ୍ରୀ ଭାଗବତ ପ୍ରଚାର ପ୍ରସାର ପାଇଁ ପ୍ରତି ସପ୍ତାହ କୁ ପନ୍ଦର ମିନିଟ ରେ ଶ୍ରୀ ଭାଗବତ ଙ୍କ ଏକ ଅଧ୍ୟାୟ ପଢ଼ିବା ପାଞ୍ଚ ମିନିଟ ରେ ସମ୍ପୂର୍ଣ ଓଡିଆ ରେ ପାଞ୍ଚ ଧାଡ଼ି ଲେଖିବାକୁ ବହୁ ପୁରୁଷ ଓ ମହିଳା ଏଠାରେ ଏକାଠି ହୋଇ ଏହି ଆଧ୍ୟାତ୍ମିକ ଆନ୍ଦୋଳନ ରେ ସାମିଲ ହୋଇଥିଲେ ।

ଏହି କାର୍ଯ୍ୟକ୍ରମ ରେ ତାଡିସରୁ ମିଶନ୍ ର ଉପଦେଷ୍ଟା ତଥା ଶିଶୁ ଭବନ କଟକ ର ସହକାରୀ ପ୍ରଫେସର ଶ୍ରୀ ବନୋଜ ରାୟ ସଭାପତିତ୍ବ କରିଥିଲା ବେଳେ କାଞ୍ଚନ ମଞ୍ଜରୀ ଦେଓ ଓମ ପ୍ରକାଶ ମହାନ୍ତି ଦୁଷ୍ମନ୍ତ ବେହେରା ଧୀରେନ୍ଦ୍ର ନାଥ ଓଝା ପ୍ରାଣକୃଷ୍ଣ ସାହୁ ଅକ୍ଷୟ ବେହେରା ଆଶିଷ ସାହୁ ନାରାୟନ ଦାସ ପ୍ରମୁଖ ଏହି ଆଧ୍ୟାତ୍ମିକ କାର୍ଯ୍ୟକ୍ରମ କୁ ପରିଚାଳନା କରି ଥିଲେ । ବହୁ ମାନ୍ୟ ଗଣ୍ୟ ବ୍ୟକ୍ତି ଙ୍କ ସମେତ ସହ ସ୍ଥାନୀୟ ଶହଶହ ସାଧାରଣ ଲୋକ ମଧ୍ୟ ଏହି ଭାଗବତ ପ୍ରଚାର ଆନ୍ଦୋଳନ ରେ ଯୋଗ ଦେଇ ଶ୍ର ଭାଗବତ ପାଠ କରିବା ସହ ଏହି ଧାରା କୁ ଅଵ୍ୟାହତ ରଖିବେ ବୋଲି ଶପଥ ନେଇ ଥିଲେ । ଭବିଷ୍ୟତ ରେ ଶ୍ରୀ ଭାଗବତ ଙ୍କୁ ନେଇ ଏଇ ନିଆରା କାର୍ଯ୍ୟକ୍ରମ ଏକ ନୀରବ ଆଧ୍ୟାତ୍ମିକ ଜନ ଆନ୍ଦୋଳନ ରେ ପରିଣତ ହେବ ବୋଲି ସାଧାରଣ ରେ ଆଲୋଚନା ହେଉଛି ।

1. ↩︎